شروط الاستخدام

1. مين إحنا

جاهز خدمة أردنية مقرّها عمّان، بتساعد المطاعم والكافيهات تنادي زبائنها على جوالاتهم بدل أجهزة النداء. لما تستعمل جاهز، إنت بتوافق على هالشروط.

2. الخدمة

بنوفّر لوحة طلبات للكاشير، صفحة طلب للزبون بتفتح من كود QR، شاشة زبون وشاشة طلبات، وإحصائيات للمحل. الزبون ما بينزّل تطبيق وما بيسجّل حساب.

التنبيه على جوال الزبون بيعتمد على جهازه ومتصفحه والإنترنت، فما منضمن وصوله بكل الحالات. خلّي عندك دايمًا طريقة نداء احتياطية.

3. الحساب والمستخدمين

صاحب المحل مسؤول عن حسابه وعن أي مستخدم بيضيفه (مدراء وكاشيرية)، وعن الحفاظ على كلمات السر. أي شي بيصير من حساباتكم بيعتبر صادر منكم.

4. الاشتراك والدفع

الاشتراك سنوي ويُدفع مقدمًا عن طريق CliQ أو تحويل بنكي خارج التطبيق. بنفعّل الاشتراك يدويًا بعد استلام الدفعة، والمدة الجديدة بتنضاف على الأيام الباقية. ما في عمولة على الطلبات ولا رسوم على زبائن المحل.

5. التجربة المجانية

كل محل جديد بياخد 14 يوم تجربة بكل المزايا ولحد 3 فروع. بنبعت تذكير قبل نهاية التجربة بـ 3 أيام ويوم.

6. إيقاف الخدمة

إذا ما تجدّد الاشتراك، بتبلّش فترة سماح 7 أيام والخدمة شغّالة. بعدها ما بتقدر تضيف طلبات جديدة، والطلبات المفتوحة بتكمّل لآخرها. بياناتك والـ QR المطبوعة بتضل محفوظة.

بنحتفظ بحق إيقاف أي حساب بيستعمل الخدمة بشكل مخالف للقانون أو بيضر بالخدمة أو بغيره، مع إبلاغ صاحب المحل بالسبب.

7. البيانات

بيانات طلباتك إلك. بنستعملها بس لتشغيل الخدمة وإحصائياتك، وما منبيعها لحدا. التفاصيل بـسياسة الخصوصية.

8. المسؤولية

بنعمل جهدنا تضل الخدمة شغّالة، بس ما منضمن تكون بدون انقطاع. مسؤوليتنا بأي حال ما بتتعدّى قيمة اشتراكك بآخر 12 شهر.

9. التواصل

لأي سؤال عن هالشروط احكينا على واتساب أو من خلال لوحة التحكم. ممكن نحدّث الشروط، وبنبلّغك بأي تغيير مهم قبل ما يصير ساري.